حضرت زینب(س):

یادوندا وار رقیه جان - سن آغلادون من آغلادیم



کسیک باشی گورن زمان - سن آغلادون من آغلادیم

حضرت رقیه(س):

یادیمدا واردی عمّه جان - سن آغلادون من آغلادیم



بابامی من گورن زمان - سن آغلادون من آغلادیم

حضرت زینب(س):

خرابیه گلنده باش - دئدون بابا گوزوی آش



دوداقلارین ئوپوپ یاواش - سن آغلادون من آغلادیم

حضرت رقیه(س):

دیردیم هی یورولموشام - خرابه لرده قالموشام



بیر گئجه ده قوجالموشام - سن آغلادون من آغلادیم

حضرت زینب(س):

دئدون بی بی قالانمورام - سنی گوزدن آتانمورام



آجام دئدون یاتانمورام - سن آغلادون من آغلادیم

حضرت رقیه(س):

من ئوپردون عمّه جان - یوخی منی توتان زمان



دئدیم ئورک اولوبدی قان - سن آغلادون من آغلادیم

حضرت زینب(س):

منی ویراندا ساربان - او یولدا سن قالان زمان



دینده عمّه جان دایان - سن آغلادون من آغلادیم

حضرت رقیه(س):

یوللّاردا قوخموشام بی بی - الده دویولموشم بی بی



دئدیم یخیلموشام بی بی - سن آغلادون من آغلادیم



(لای لای بالام - لای لای بالام)



کربلایی سیامک پندی خسروشاهی